Verklýsingar

- eftir aðstæðum

Eftirfarandi verklýsingar eru unnar eftir upplýsingum frá framleiðendum efnisins. Tekið skal fram að engin munur er á meðferð venjulegs og ryðfrís stáls fyrir utan kröfur um ryðvörn.

Hvað og Hvar		Hvernig

Húðun á nýsmíðuðu járni til notkunar innanhúss		Járnið skal vera án málningarrestar, shop primer eða brennsluhúðar. Járnið skal fituhreinsað, iron-fosfaterað og þurrkað áður en það er húðað. Lakkað skal með polyester eða epoxy duftlakki sem á að bakast í 10 mínútur. Tryggja skal jafna bökun við 180 – 200°C þannig að járnið sjálft nái kjörhita áður en það er bakað í 10 mínútur.
Húðun á nýsmíðuðu svörtu járni til notkunar utanhúss		Járnið skal vera án málningarrestar, shop primer eða brennsluhúðar. Járnið skal fituhreinsað, zink-fosfaterað og þurrkað áður en það er húðað. Grunna skal með Epoxy primer og bakað síðan... Lakkað skal með polyester duftlakki sem á að bakast í 10 mínútur. Tryggja skal jafna bökun við 180 – 200°C þannig að járnið sjálft nái kjörhita áður en það er bakað í 10 mínútur.
Húðun á nýsmíðuðu galvaniseruðu járni til notkunar úti		Best er að glerblása galvanhúðina létt, síðan skal fituhreinsað, chromaterað eða tricationic-fosfaterað og þurrkað áður en það er húðað (Valmöguleiki að grunna með epoxy primer). Lakkað skal með polyester duftlakki sem á að bakast í 10 mínútur. Tryggja skal jafna bökun við 180 – 200°C þannig að járnið sjálft nái kjörhita áður en það er bakað í 10 mínútur.
Húðun á járni sem er með gamalli málningu af óþekktri gerð til notkunar inni		Ef málningarrestar, shop primer eða brennsluhúð er á járninu þá skal það sandblásið S2 ½ þannig að eftir sitji fín sandblástursáferð á járninu. Ath. Minnstu leyfar málningar skapa bólur á pólýhúðinni. Járnið skal fituhreinsað, zink-fosfaterað og þurrkað áður en það er húðað. Lakkað skal með polyester/epoxy duftlakki sem á að bakast í 10 mínútur. Tryggja skal jafna bökun við 180 – 200°C þannig að járnið sjálft nái kjörhita áður en það er bakað í 10 mínútur.
Húðun á járni með gamalli pólýhúðun til notkunar inni		Djúpar rispur skal pússa niður í málminn þannig að ekki finnist ef strokið er yfir með fingurgómum. Járnið skal fituhreinsað, zink eða iron-fosfaterað og þurrkað áður en það er húðað. Lakkað skal með polyester/epoxy duftlakki sem á að bakast í 10 mínútur. Tryggja skal jafna bökun við 180 – 200°C þannig að járnið sjálft nái kjörhita áður en það er bakað í 10 mínútur.
Húðun á smíðajárni með eldhúð til notkunar inni		Laus eldhúð skal hreinsast burt með vírbursta eða sambærilegu, best er að sandblása eða sýrubaða úr léttri saltsýrulausn. Járnið skal fituhreinsað, zink-fosfaterað og þurrkað áður en það er húðað. Lakkað skal með polyester/epoxy duftlakki sem á að bakast í 10 mínútur. Tryggja skal jafna bökun við 180 – 200°C þannig að járnið sjálft nái kjörhita áður en það er bakað í 10 mínútur.
Húðun á nýju áli til notkunar inni		Álið skal fituhreinsað, slípað eða krómaterað og þurrkað áður en það er húðað. Lakkað skal með polyester eða epoxy duftlakki sem á að bakast í 10 mínútur. Tryggja skal jafna bökun við 180 – 200°C þannig að álið sjálft nái kjörhita áður en það er bakað í 10 mínútur.
Húðun á nýju áli til notkunar úti		Álið skal fituhreinsað, slípað eða krómaterað og þurrkað áður en það er húðað. Fyrir mjög tærandi umhverfi má grunna með epoxy grunni fyrst. Lakkað skal með polyester duftlakki sem á að bakast í 10 mínútur. Tryggja skal jafna bökun við 180 – 200°C þannig að álið sjálft nái kjörhita áður en það er bakað í 10 mínútur.
Undirvinna: viðauki		Ef málningarrestar, shop primer eða brennsluhúð er á járninu þá skal það sand- eða glerblásið S2 ½ þannig að eftir sitji fín sandblástursáferð á járninu. Athugið að minnstu leyfar málningar skapa bólur á pólýhúðinni.
Gljúft stályfirborð: viðauki		Við grófa galvanhúð, gljúft stályfirborð eða mjög grófan sandblástur skal fyrst grunna með “Anti-Foam” grunni áður en húðað er til að loka yfirborðinu og leyfa útblástur innilokaðs lofts á bökunartímanum (ath. passar ekki með metal og special effekt litum, í þeim tilfellum verður að notast við annan grunn).